सिम्जुङमा भएको फुटबल खेलमा थ्रीस्टार प्रथम, जनज्योति द्वितीय

गोरखा २७ असोज । सूर्योदय तमू सांस्कृतिक युथ क्लब अजिरकोट-४, सिम्जुङद्वारा बडा दसैँको अवसरमा आयोजना गरेको खुला फुटबल प्रतियोगितामा थ्रीस्टार क्लब ताजी, लम्जुङले उपाधि चुमेको छ। बुधबार सम्पन्न फाइनल खेलमा थ्रीस्टारले जनज्योति क्लब ओलाङ गोरखालाई १-० गोलअन्तरले पराजित गरेको हो। उपाधि उचालेको थ्रीस्टारले नगद रु ५० हजार रुपैयाँ पुरस्कार जितेको छ भने उप-विजेता बन्न सफल जनज्योति युवा क्लबले नगद २५ हजार रुपैयाँमा चित्त बुझाएको छ। दुवै टिमले पुरस्कार राशिको साथमा ट्रफी, मेडल र प्रमाणपत्रसमेत हात पारेका छन्।