‘ए’ डिभिजन लिगमा आज दुई खेल

काठमाण्डौं, पुष २४ । सहिद स्मारक ‘ए’ डिभिजन लिगको पाचौँ चरणको अन्तिम खेल बिहिबार हुँदैछन्।

पहिलो खेलमा विभागीय क्लब एपीएफ र गत सिजनको उपविजेता संकटा क्लब भिड्नेछन्। दोस्रो खेलमा आर्मीले तालिकाको पुछारमा रहेको सरस्वती क्लबसंग खेल्नेछ।

दशरथ रंगशालामा हुने संकटा र एपीएफबीचको पहिलो खेल मध्यान्न १२ बजे सुरु हुनेछ। सोही स्थानमा आर्मी र सरस्वती दिउँसो ३ बजे भिड्नेछन् ।