फागुन २१ । इटालियन सिरी ‘ए’ फुटबलमा शीर्ष स्थानको इन्टर मिलानले जित निकालेको छ। बिहीबार राति भएको खेलमा इन्टरले पर्मालाई २-१ गोल अन्तरले पराजित गरेको हो।
पर्माको मैदानमा इन्टरलाई जित दिलाउन एलेक्सिस सान्चेजले दुई गोल गरे। पर्माका हेर्नानीले १ गोल फर्काए। खेलको ५४ औं मिनेटमा सान्चेजले गोल गर्दै इन्टरलाई १-० को अग्रता दिलाएका थिए।
खेलको ६२ औं मिनेटमा सान्चेजले व्यक्तिगत दोस्रो गोल गर्दा इन्टरले २-० को अग्रता बनायो। त्यसपछि खेलको ७१ औं मिनेटमा पर्माका हेर्नानीले एक गोल फर्काएपनि इन्टर २-१ ले विजयी भयो।
यस जितसँगै इन्टरले लिगमा एसी मिलानविरुद्ध ६ अंकको अग्रता बनाएको छ। इन्टरले २५ खेलमा ५९ अंक जोडेको छ। दोस्रो स्थानको मिलानको ५३ अंक रहेको छ। पर्मा १५ अंक जोडेर १९ औं स्थानमा रहेको छ। एजेन्सी
Facebook Comments
