लाम्पार्डको पहिलो खेलमै एभर्टन विजयी

माघ २३ । प्रिमियर लिग क्लब एभर्टन एफए कप फुटबलको पाँचौं चरणमा प्रवेश गरेको छ।

शनिबार राति भएको खेलमा ब्रेन्टफोर्डलाई ४-१ गोल अन्तरले हराउँदै एभर्टन पाँचौं चरणमा पुगेको हो। एभर्टनको जितमा एरी मिना, रिचार्लिसन, मासन होल्गेट र एन्ड्रोस टाउनसेन्डले एक एक गोल गरे। ब्रेन्टफोर्डका इभान टोनीले एक गोल फर्काए।

जितसँगै मुख्य प्रशिक्षक फ्रान्क लाम्पार्डले एभर्टनमा उत्कृष्ट सुरुवात गरेका छन्। लाम्पार्डले आफ्नो पहिलो खेलमै क्लबलाई जित दिलाएका हुन्।