प्रचण्ड माधव समूहद्वारा ७ जना नेतामाथि कारबाही

काठमाडौं । नेपाल कम्युनिष्ट पार्टी (नेकपा) प्रचण्ड–नेपाल समूहले महेश बस्नेत, सूर्य थापासहित आधा दर्जन सांसदलाई कारवाही गरेको छ। पार्टी गतिविधिमा रोक लगाउनेगरी उनीहरुलाई कारवाही गरिएको नेता वर्षमान पुनले जानकारी दिए ।

कारवाही पर्ने नेताहरुमा विशाल भट्टराई, महेश बस्नेत, निरु पाल, शान्ता चौधरी, प्रभु साह र कर्ण थापा रहेका छन्। केन्द्रीय कमिटीको बैठकले यस्तो निर्णय गरेको हो।

त्यस्तै बैठकले नेकपा संसदीय दलका उपनेता सुवास नेम्वाङलाई संसदीय दलको उपनेताबाट हटाउने निर्णय गरेको पुनले बताए। उनीहरुले पार्टी हित विपरीत गतिविधि गरेकाले कारबाही गरेको प्रचण्ड(माधव समूहको भनाइ छ।