स्वास्थ्य परीक्षण गराएर आज स्वदेश फर्किँदै बाबुराम भट्टराई

काठमाडौं, फागुन १८ । जनता समाजवादी पार्टीका संघीय परिषद् अध्यक्ष बाबुराम भट्टराई भारतमा स्वास्थ्य परीक्षणपछि आज स्वदेश फर्किँदैछन्।

नेपालमा परीक्षणका क्रममा न्युरो इन्डोक्राइन ट्युमरको शंका गरिएका भट्टराईलाई भारत रेफर गरिएको थियो। तर परीक्षणका क्रममा उनको ट्युमर क्यान्सर नभएको पुष्टि भएको छ।

चिकित्सकहरुले उनको ट्युमर केही महिनामा नै शल्यक्रिया गरि फाल्नु पर्ने र यदी बेलामा नै शल्यक्रिया गरि ट्युमर नफाले क्यान्सर हुन सक्ने बताएका छन्। भट्टराईको दिल्लीस्थित यकृत एवंम पित्त विज्ञान संस्थानमा स्वास्थ्य परीक्षण गरिएको हो।