सिराहामा प्रेसरकुकर बम फेला

सिराहा, माघ १० । सिराहाको मिर्चैया नगरपालिका ५ जिबाखोलाको पुलमा प्रेसरकुकर बम भेटिएको छ। आज बिहान जिबाखोला पुलमा प्रेसरकुकर बम भेटिएपछि प्रहरी परिचालन गरिएको छ। यातायात रोकिएको जिल्ला प्रहरी कार्यालयले जनाएको छ।

बम डिस्पोजलका लागि चोहर्वास्थित सेर गणबाट नेपाली सेनाको डिस्पोजल टोली घटनास्थलतर्फ गइरहेको जिल्ला प्रहरी कार्यालयले जनाएको छ। बम कसले राखेको भन्ने खुलेको छैन। यसमा थप अनुसन्धान भइरहेको जिल्ला प्रहरी कार्यालयका प्रहरी नायब उपरीक्षक सालिग्राम शर्माले बताए।