अछाम, ३१ साउन। अछामको बान्नीगढी जयगढ गाउँपालिका–६ दर्नामा पहिरोले ६ रोपनी खेत र स्वास्थ्य क्लिनिक भवन बगाएको छ। बुधबार राति भएको वर्षाका कारण आएको पहिरोले दर्ना काँडाकोट टोलका स्थानीयको खेत र गाउँघर स्वास्थ्य क्लिनिककोे भवन बगाएको हो।
स्थानीय पंख कठायत, अम्मर साउद, बाहादुर धामी र गणेश धामीको ६ रोपनी खेत पहिरोले बगाएको पीडितले बताएका छन्। गाउँको पाडुमुजेली, भोट्यावस्या र राक्स्या खेत पहिरोले बगाएको पिडीत किसान पंख कठायतले जानकारी दिए।
पहिरोले खेत बगाएपछि किसानले व्यवस्थापन र राहतका लागि स्थानीय सरकारले सहयोग गर्नुपर्ने मागसमेत गरेका छन्। पहिरोले काडाकोटमा स्थापना गरिएको सहरी स्वास्थ्य क्लिनिकको भवनमा पनि क्षति पुगेको छ। भवन पहिरोले पुरिएपछि स्वास्थ्य सेवासमेत प्रभावित भएको छ।
Facebook Comments
