कटुवा पेस्तोलसहित एक जना पक्राउ

बाँके, फागुन २६ । बाँकेको नेपालगन्ज उपमहानगरपालिका–१, विशालनगर चोकनजिकबाट एकनाले कटुवा पेस्तोलसहित दुईजनालाई प्रहरीले पक्राउ गरेको छ।

पक्राउ पर्नेहरुमा नेपालगन्ज–१, पिपल चौतारा बस्ने २७ वर्षीय प्रेमकुमार बहिलिया र बर्दियाको राजापुर नगरपालिका–१० बस्ने २४ वर्षीय कृष्णा चौधरी रहेका छन्। जिल्ला प्रहरी कार्यालय बाँकेबाट खटिएको प्रहरीले शंका लागि जाँच गर्दा उक्त पेस्तोलसहित फेला पारी उनीहरुलाई पक्राउ गरेको जनाइएको छ।