दुर्घटनामा दुई जनाको मृत्यु

सदूरपश्चिम, माघ १८ । पूर्वपश्चिम राजमार्गअन्तर्गत कैलालीको पहलमानपुर सडकखण्डमा शनिबार राति ट्याक्टर र मोटरसाइकल आपसमा ठोक्किँदा दुई जनाको मृत्यु भएको छ। पश्चिमबाट पूर्वतर्फ गइरहेको म१त ५४२ नंको ट्याक्टर र सोही दिशातर्फ गइरहेको बा१प ४०४ नंको मोटरसाइकल आपसमा ठोक्किएर भएको दुर्घटनामा मोटरसाइकलमा सवार दुई जनाको मृत्यु भएको हो।

कैलालीको घोडाघाडी नगरपालिका–१० पहलमानपुरका २३ वर्षीय गोविन्द बुढा र १८ वर्षीय मानबहादुर बुढाको मृत्यु भएको जिल्ला प्रहरी कार्यालयका प्रवक्ता प्रतीक विष्टले बताए। दुर्घटनामा घाइते दुवैको घोडाघोडी अस्पतालमा उपचारका क्रममा मृत्यु भएको हो। प्रहरीले ट्रयाक्टर चालकलाई नियन्त्रणमा लिएको छ। रासस