नेवार समुदायले आज म्ह पूजा मनाउँदै

काठमाडौं, कार्तिक ३० । नेवार समुदायले आज म्हः पूजा मनाउँदै छन्। नेवार समूदायले परिवारका सबै सदस्य भेला भएर म्हः पूजा गर्ने चलन छ। नेवारी भाषामा म्हः भनेको शरीर हो। सम्पूर्ण नेवार समुदायद्वारा मनाइने म्हः पूजा नेपाली पर्वमध्ये विशेष पर्वका रुपमा रहिआएको छ। आफ्नो शरीरलाई परमात्मा मानेर आफूले आफूलाई आराधना गरी शरीरभित्रको चेतनालाई पूजा गर्ने यस पर्वको दार्शनिक पक्ष छ।

समग्र देवता ऊर्जाशक्ति विश्व ब्रम्हाण्ड मानव शरीरभित्र रहेको विश्वास गर्दै परमेश्वरको बास हुने मान्यता राखी आफूलाई चिनेर बुझेर आफ्नो उद्धार गर्न आफै अघि सर्नुपर्ने परम्पराका रुपमा यो पर्व विकास भएको पाइन्छ। यस वर्ष तिथि घटबढ भएका कारण नेवार समुदायले भोलि नेपाल संवत् र पर्सि कात्तिक २ गते भाइटीका मनाउँदैछन्।