रकम असुलेको आरोपमा एक जना पक्राउ

कैलाली, साउन ३१ । भारत जाने भनेर कैलालीको त्रिनगर भन्सार सीमा नाकामा आएका नौ जना व्यक्तिबाट रकम असुलेको आरोपमा एक जनालाई प्रहरीले पक्राउ गरेको छ।

पक्राउ पर्नेमा बझाङ घर भई धनगढी बस्दै आएका माइकल भनिने एकेन्द्र खत्री रहेको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिए।

जिल्ला प्रहरी कार्यालयमा राखेर उक्त प्रकरणबारे खत्रीसँग थप सोधपुछ भइरहेको विष्टले बताए।