१९१७ बन्यो सर्वोत्कृष्ट चलचित्र

पुस, २१ ।
हलिउड चलचित्र तथा टेलिभिजन क्षेत्रका उत्कृष्ट सिर्जना र सर्जकलाई सम्मानित गर्ने वर्षको पहिलो भव्य अवार्ड गोल्डेन ग्लोब २०२० नेपाली समय अनुसार सोमबार बिहान सम्पन्न भएको छ।

सन् १९४४ देखि हलिउड फरेन प्रेस एसोसिएसनले आयोजना गर्ने अवार्डमा टेलिभिजन तथा चलचित्रका सर्वोत्कृष्टहरुले अवार्ड पाएका छन्।

अमेरिकाको लस एन्जलसमा भएको अवार्डको ७७ औँ संस्करणमा वाकिन फिनेक्स सर्वोत्कृष्ट अभिनेताको अवार्ड पाउन सफल भए। उनले जोकरमा गरेको काम लागि अवार्ड पाएका हुन्।

यस्तै रेने जेल्वेगरले जुडीमा गरेको अभिनयका लागि सर्वोत्कृष्ट अभिनेत्रीको अवार्ड पाएकी छन्।

यस्तै गोल्डेन ग्लोबमा सर्वोत्कृष्ट चलचित्रको अवार्ड १९१७ ले जितेको छ। यस्तै कमेडी वा म्युजिकल तर्फ वन्स अपअन अ टाइम इन हलिउडले सर्वोत्कृष्ट चलचित्रको अवार्ड जितेको छ। अभिनेता टम ह्याङ्गसलाई लाइफ टाइम अचिभमेन्ट अवार्ड प्रदान गरिएको छ।

कुन विधामा कसले जिते अवार्ड ?

सर्वोत्कृष्ट मोसन पिक्चर–ड्रामाः १९१७

सर्वोत्कृष्ट अभिनेत्री, मोसन पिक्चर–ड्रामाः रेने जेल्वेगर (जुडी)

सर्वोत्कृष्ट अभिनेता, मोसन पिक्चर–ड्रामाः वाकिन फिनेक्स (जोकर)

सर्वोत्कृष्ट मोसन पिक्चर–म्युजिकल वा कमेडीः वन्स अपअन अ टाइम इन हलिउड

सर्वोत्कृष्ट अभिनेत्री, मोसन पिक्चर–म्युजिकल वा कमेडीः वक्वाफिना (द फेयरवेल)

सर्वोत्कृष्ट अभिनेता, मोसन पिक्चर–म्युजिकल वा कमेडीः टारोन एगर्टन (रकेटम्यान)

सर्वोत्कृष्ट मोसन पिक्चर–एनिमेटेडः मिसिङ्ग लिंक

विदेशी भाषाको सर्वोत्कृष्ट चलचित्रः पारासाइट

सर्वोत्कृष्ट सहअभिनेत्री, मोसन पिक्चरः लोरा डर्न (म्यारिज स्टोरी)

सर्वोत्कृष्ट सहअभिनेता, मोसन पिक्चरः ब्राड पिट (वन्स अपअन अ टाइम इन हलिउड)

सर्वोत्कृष्ट निर्देशक, मोसन पिक्चरः साम मेन्डेस (१९१७)