कार्तिक ५ । देशभर अहिले आंशिकदेखि सामान्य बदली र केही स्थानमा हल्का वर्षा भइरहेको मौसम पूर्वानुमान महाशाखाले जनाएको छ।
हाल नेपालमा असर गर्ने उल्लेखनीय मौसमी प्रणाली नरहे पनि प्रदेश नं १ र वाग्मती प्रदेशका एक-दुई स्थानमा हल्का वर्षा भइरहेको हो।अहिले प्रदेश नं १, वाग्मती प्रदेश र गण्डकी प्रदेशका थोरै स्थानमा मेघगर्जन र चट्याङसहित हल्का वर्षाको सम्भावना विभागले छ।
दिउँसो पनि प्रदेश नं १, प्रदेश नं २, वाग्मती प्रदेश र गण्डकी प्रदेशमा सामान्य बदली तथा बाँकी प्रदेशमा आंशिकदेखि सामान्य बदली रहने सम्भावना छ। प्रदेश नं १, बागमती र गण्डकी प्रदेशका एक-दुई स्थानमा मेघगर्जन र चट्याङसहित हल्का वर्षाको सम्भावना रहेको विभागले जनाएको छ। रातिको समयमा पानि सोही मौसमी प्रणाली कायम रहने बताइएको छ।
राजधानी काठमाडौँ उपत्यकामा आज बिहानैदेखि बदली रहेको छ। बदलीका कारण उपत्यकामा केही चिसो महसुस गरिएको छ। काठमाडौँको अधिकतम २८ दशमलव पाँच र न्यूनतम तापक्रम १६ डिग्री सेल्सियस रहेको छ।
विभागकाअनुसार भोलि शनिबार पनि देशभर आंशिकदेखि सामान्य बदली रहनेछ।
