रुसले निर्माण थाल्यो भारतका लागि एस–४०० प्रतिरक्षा प्रणाली

मस्को, माघ २२ । रसियाले भारतका लागि अत्याधुनिक प्रविधिको एस–४०० प्रतिरक्षा प्रणाली निर्माण शुरु गरेको जनाएको छ। रसिया र भारतबीच भएको भएको सम्झौता अनुरुप नै अल्माज–आन्टे कम्पनीले उक्त उपकरण उत्पादन शुरु गरेको जनाइएको हो।

रसियका उद्योग तथा वाणिज्य मन्त्री डेनिस मान्टुरोभले सम्झौता बमोजिम एस–४०० प्रतिरक्षा प्रणालीको निर्माण थालिएको र तोकिएकै मितिमा भारतलाई हस्तान्तरण गरिने बताएका छन्।

भारतले पाँच वटा एस–४०० प्रतिरक्षा प्रणालीका लागि रसियासँग ५ अर्ब ४३ करोड अमेरिकी डलरको सम्झौता गरेको थियो।