मुम्बई, भदौ ११ । अभिनेत्री प्रियंका चोपडाले पछिल्लो केही वर्षमा आफूलाई ग्लोबल स्टारका रुपमा स्थापित गरेकी छन्। उनको लोकप्रियताको मापन हालै गरिएको एक सर्वेको तथ्यांकलाई हेर्दा पुग्छ।
उनी विश्वकै सर्वाधिक माग गरिएको कलाकारको सूचीमा तेस्रो स्थानमा छिन्। सूचीमा शाहरुख खान पहिलो स्थानमा छन्। जबकी तेलुगु स्टार अल्लु अर्जुन सूचीको दोस्रो स्थानमा छन्।
पेरट एनालिटिक्सको यो सर्वे २० जुलाईदेखि अगष्ट १८ को बीचमा गरिएको थियो। सूचीमा धनुष, टम हिडलटन, दुल्कर सलमान, सलमान खान, सुंग हुँ, कियारा आडवाणी र महेश बाबु पनि छन्। अमेरिकी अभिनेता टम त्यहाँ सर्वाधिक माग गरिएका अभिनेता हुन्। उनी पछि अभिनेत्री जेनिफर लोपेज छिन्।
प्रियंकाको हलिउड करियरको कुरा गर्दा अब उनी किआनु रिब्सका साथ ‘मेट्रिक्स ४’मा देखिँदैछिन्। यो फिल्म ‘द मेट्रिक्स–रिसरेक्शंस’ नामले थिएटरमा रिलिज हुँदैछ।
बलिउडमा प्रियंका फरहान अख्तर निर्देशित फिल्म ‘जी ले जरा’मा देखिँदैछिन्। यो फिल्ममा कटरीना कैफ र आलिया भट्टको पनि अभिनय रहनेछ। योबाहेक प्रियंका ड्रामा सिरिज ‘सिटेडल’को सुटिङ गरिरहेकी छन्।
शाहरुखको कुरा गर्दा तीन वर्ष यता उनको कुनै पनि फिल्म रिलिज भएको छैन। पछिल्लो पटक उनी सन् २०१८ मा फिल्म ‘जीरो’मा देखिएका थिए।
अभिनेत्री कियारा हालैमात्र अमेजन प्राइम भिडियोमा रिलिज फिल्म ‘शेरशाह’मा अभिनेता सिद्धार्थ मल्होत्राका साथ देखिएकी थिइन्। कियाराले फिल्म ‘कबीर सिंह’मा पनि प्रमुख भूमिकामा अभिनय गरेकी थिइन्। दैनिक जागरण
