लुधियाना, बैशाखा ७ । भारतको पञ्जाबस्थित लुधियाना जिल्लाका सहायक प्रहरी आयुक्त (एसीपी) अनिल कोहलीको कोरोना भाइरसको संक्रमणबाट मृत्यु भएको छ।
लुधियानाको एक निजी अस्पतालमा कोरोना भाइरसको उपचारत उनको ५२ वर्षका उमेरमा शनिबार निधन भएको भारतीय सञ्चारमाध्यमहरुले जनाएका छन्।
उनमा गत १३ अप्रिलमा कोरोना पोजेटिभ पाइएको थियो। शुरुमा अपोलो अस्पतालमा उपचा गराइए पनि पछि उनलाई सतगुरु प्रताप सिंह अस्पतालमा भर्ना गरिएको थियो। सोही अस्पतालमा कोहलीको शनिवार मृत्यु भएको हो।
एसीपी कोहलीकी पत्नीलाई पनि कोरोना पोजेटिभ देखिएको छ। उनको अवस्था भने सुधारोन्मुख छ। कोहलीका चालक र उनीसँग काम गर्ने एक महिला सब इन्स्पेक्टरको उपचार भइरहेको छ।
Facebook Comments


























