काठमाडौं, चैत्र ९ । सरकारले चैत १० देखि मुलुकलाई आंशिक लक डाउन गरेपनि विभिन्न अत्यावस्यक सेवा भने बन्द नहुने भएका छन्।
कोरोनाभाइरसको संक्रमणबाट बच्नका लागि सरकारी, सामुदायिक तथा नीजि नीजि सेवा प्रदायकबाट प्रदान गरिने सेवा बन्द गरेपनि १७ किसिमका अत्यावश्यक सेवा भने बन्द नहुने भएका हुन्।
अत्यावश्यक सेवामा परे पनि चैत १० गतेदेखि देशभरि चल्ने लामो दूरीको यातायात भने बन्द गरिएको छ भने होटल, रिसोर्टसम्बन्धी सेवा लगायतका केही सेवाहरू भने आंशिक रुपमा बन्द हुने भएका छन्।
त्यसबाहेक बन्द नहुने अत्यावश्यक सेवाहरु यसप्रकार छन् स्
१) डाँक, तार वा टेलिफोन सेवा
२) जल, स्थल वा हवाईमार्गबाट यात्री वा मालसामान ओसार पसार गर्न यातायात सेवा
३) हवाई अड्डा वा हवाई जहाजको देखभाल, त्यसको सञ्चालन वा मर्मत गर्ने कामसँग सम्बन्धित सेवा
४) हवाई ग्राउन्ड, रेलवे स्टेसन वा सरकारी गोदममा मालसामान ओसार पसार गर्ने वा राख्ने झिक्ने वा थन्क्याउने कामसँग सम्बन्धित सेवा
५) प्रिन्ट वा सरकारी छापाखानासम्बन्धी सेवा
६) हातहतियार खरखजाना वा अरु कुनै सैनिक सरसामानको उत्पादन गर्ने, थन्क्याउने, वितरण गर्ने कामसँग सम्बन्धित नेपाल सरकार रक्षा व्यवस्थाको कुनै सेवा
७) सञ्चार सेवा
८) आन्तरिक सुरक्षा कार्यसँग सम्बन्धित सेवा
९) खानेपानीको सञ्चालन तथा वितरण सेवा
१०) पर्यटन आवास, मोटल, होटल, रेष्टुँरा र रिसोर्टसम्बन्धी सेवा
११) पेट्रोलिम पदार्थको पैठारी, ढुवानी, भण्डारण तथा वितरणसम्बन्धी सेवा
१२) अस्पताल, स्वास्थ्य केन्द्र र औषधि निर्माण तथा बिक्री वितरणसम्बन्धी सेवा
१३) फोहरमैलाको संकलन, ढुवानी, प्रशोधन, बिसर्जन, स्थान निर्माण, पूर्वाधार निर्माण र संकलन स्थल एवं व्यवस्थापनसँग सम्बन्धित सेवा
१४) बैंकिङ सेवा
१५) बिमा सेवा
१६) विद्युत् सेवा
१७) दैनिक उपभोग्य वस्तुहरू (खाद्यान्न, दालचामल, नुन, तेलको पैठारी, ढुवानी, भण्डारण तथा वितरणसम्बन्धी सेवा)
