बलियो बन्न दैनिक आठवटा कुखुरा खान्छन् यी बडिबिल्डर

फागुन ७ । बुर्किना फासोका चिक अहमद हसन सनोयू विश्वकै बलियो व्यक्ति बन्ने कसरतमा जुटेका छन्।

आइरन बीबी नामले चर्चित बडिबिल्डर अहमद सन् २०२० अप्रिल ६ मा आयोजना हुने ‘वल्र्ड लग लिफ्ट च्यालेन्ज’मा भाग लिँदैछन्।

त्यहाँ उनले २ सय ५० किलो हातले उठाउनु पर्नेछ। सन् २०१९ अप्रिलमा अहमद वल्र्ड लग लिफ्ट च्यालेन्जमा विजेता बनेका थिए।

१८७ केजीका उनले यतिबेला त्यसबेला भन्दाबढी वजन उठाउन लागेका हुन्।

उनले आफ्नो डाइटमा दिनमा ८ वटा कुखुरा खाने गरेको बताएका छन्। ८ कुखुराका साथै अण्डा लगायत शरीरमा शक्ति प्रदान गर्ने खानेकुरा उनी खान्छन्।