राष्ट्रपतिद्वारा संसद विघटन, दुईचरणमा मध्यावधि निर्वाचन हुने

काठमाडौँ ०८ जेठ । शुक्रबार मध्यरातमा बसेको मन्त्रिपरिषद्को आकस्मिक बैठकले गरेको निर्णयलाई सदर गर्दै राष्ट्रपति विद्यादेवी भण्डारीले प्रतिनिधिसभा विघटन गरेकी छन् । बालुवाटारमा बसेको मन्त्रिपरिषद् बैठकले प्रतिनिधिसभा भंग गरी मध्यावधि निर्वाचनको घोषणाका लागि राष्ट्रपतिसमक्ष सिफारिस गरेको थियो। मन्त्रिपरिषद्ले सिफारिसलगत्तै राष्ट्रपतिले प्रतिनिधिसभा भंग गरी कार्तिक २६ र मंसिर ३ गते दुई चरणका लागि निर्वाचनको घोषणा गरेकी हुन्।