सिफारिस भएका राजदूतविरूद्ध उजुरी आह्वान

काठमाडौं, असोज २१ विभिन्न देशका लागि राजदूतमा सिफारिस भएका तीन जनाविरूद्ध उजुरी आह्वान भएको छ। संघीय संसदको संसदीय सुनुवाइ समितिको बुधबार बसेको बैठकले युवराज खतिवडा, लोकदर्शन रेग्मी र निर्मलकुमार विश्वकर्मा विरुद्ध उजुरी आह्वान गरेको हो।

खतिवडा, रेग्मी र विश्वकर्मालाई केही दिनअघि सरकारले अमेरिका, बेलायत र दक्षिण अफ्रिकाका लागि राजदूत सिफारिस गरेको थियो। समितिले उजुरीका लागि १० दिनको म्याद दिएको छ। म्याद अवधि बिहीबारबाट सुरू हुनेछ।