प्रहरी सवार गाडी देवघाटमा दुर्घटना हुँदा ३० प्रहरी घाइते

चितवन, माघ १ । देवघाट गाँउपालिकामा प्रहरी सवार गाडी दुर्घटनामा परेको छ । दुर्घटनामा ३० जना प्रहरी घाइते भएका छन्।

देवघाटको माघी मेलाको सुरक्षाका लागि पोखराबाट आएको बा १ ग २११८ नम्वरको गाडी फर्कने क्रममा तनहुँको देवघाट गाँउपालिका वडा न ५ कालिमाटी दासढुङ्गा पुलपारी घुम्तीमा दुर्घटना भएको इलाका प्रहरी कार्यालय जुगेडीले जानकारी दिएको छ।

गाडीमा ३४ प्रहरी सवार थिए। घाइतेको उपचारका लागि भरतपुर ल्याइएको छ। घटनाको विस्तृत विवरण आउन बाँकी छ।