कोरोना निको हुनेको संख्या ३७ करोड नाघ्यो

फागुन १८ । विश्वभर कोरोना भाइरसको संक्रमण निको हुनेको संख्या ३७ करोडभन्दा धेरै भएको छ।

पछिल्लो २४ घण्टामा यो खबर तयार पार्दासम्म १७ लाख ४२ हजार संक्रमित निको भएसँगै विश्वभर कोरोना जित्नेको संख्या ३७ करोड ५ लाखभन्दा धरै भएको हो।

त्यसैगरी २४ घण्टामा १२ लाख संक्रमित थपिएसँगै विश्वभर कोरोना पुष्टि हुनेको संख्या ४३ करोड ३ लाखभन्दा धेरै भएको छ। यो अवधिमा थप ६ हजार संक्रमितको मृत्यु भएको छ। योसँगै कोरोनाले ज्यान गुमाउनेको संख्या ५९ लाख ८२ हजार पुगेको कोरोनाको छ।

कोरोनाको तथ्याङ्क अद्यावधिक गरिरहेको वल्डोमिटरका अनुसार निको हुनेको संख्या बढ्दै गए पनि विश्वभर ६ करोड १ लाख सक्रिय संक्रमित रहेका छन्। जसमध्ये ७४ हजारको अवस्था जटिल छ भने बाँकीको अवस्था सामान्य छ।

सबैभन्दा धेरै संयुक्त राज्य अमेरिकामा ८ करोड ६ लाखमा कोरोना पुष्टि हुँदा ९ लाख ७६ हजारको मृत्यु भइसकेको छ। ५ करोड ३६ लाख भने निको भएका छन्। संयुक्त राज्य अमेरिकामा मात्रै दैनिक एक हजारभन्दा बढीको कोरोनाले मृत्यु हुने गरेको छ।