पहिरोले नारायणगढ–मुग्लिन सडक अवरुद्ध

चितवन, भदौ ११ । बिहीबार राति नारायणगढ–मुग्लिन सडकखण्डको सेती दोभानमा खसेको पहिरो पन्छाउन बिहान १० बजेसम्म समय लाग्ने भएको छ। सो सडकको सेती दोभानमा राति ८ बजेर २० मिनेटको समयमा ठूलो पहिरो खसेको थियो।

डिभिजन सडक कार्यालयका सूचना अपिकारी इं शिव खनालका अनुसार आज बिहान साढे ५ बजेबाट पहिरो पन्छाउन थालिएको छ। उनले भने, “थप पहिरो नखसे बिहान १० बजेसम्म पहिरो पन्छाएर सकिन्छ।” अबिरल वर्षापछि यहाँ पहिरो खसेको हो। सडक अवरुद्ध भएसँगै यातायातका साधन रोकिएका छन्। रासस